البارحة قلب العنا الليل مابات=من كثر ماتطري عليه الهمومي
ردو سلامي ياهل العيدهيات=على بني عمي ذياب الخرومي
تلقالهم في شبة الصبح ظالات=وكبش المربي فيه باع وسومي
منزالهم يم الحرج والعقالات=وميرادهم في الشتو ريع البقومي
وأهل نجور يوم لجت بالأصوات=من حسها مانستمع في العلومي
اركابهم مع كل دار حفيات=من كثر ماتعطي قرار الحزومي
مر مناكيف ومر مغيرات=وسبارها عدا طويل الرجومي
وسلاحهم شغل النصارى الضريرات=ماهيب لاتهفي ولاهي زمومي
ياما شعو من جل لقح وخلفات=راحت عليهم في النكايف قسومي
حال المردف دونها بالتثبات=ولحقو طلبها واحتموها القرومي