تعالي أتعبت الشعر والكتابه=غنيت بك أروع قصايد ولاجيت
طال السؤال ولهفتي للأجابه=لاقلت لي أنسى ولا قلت حييت
وين أنت ماطيق الحزن والكأبه=في غيبتك من عالم الحزن مليت
بي جرح غيرك مايداوي صوابه=وإن أستحالت رجعتك ماتشافيت
في غيبتك كل الشعور متشابه=أحزان وهموم وسهر مع تناهيت
تعال وأقصر بالسؤال الرتابه=تراك في زود القطيعه تماديت
مشتاق لك والشوق زاد التهابه=يا أعز وأخر من عشقته وحبيت
العمر دونك مبتليني عذابه=شفني مشتت في مأسيه تشتيت
شفت القهر في غيبتك والغرابه=مدري خذاك الغير ولا تناسيت
تعال قلي عن قرار الأجابه =اما ترد الروح ولا توفيت