لج قلبي تالي الليل والعالم رقود=لج ذودن بالخلا ضيعت حيرانها
وحن قلبي حن سقسن معا طلعت نفود=وصاح قيره والمكينه طلع دخانها
ونتي ونت يتيمن من الناس محدود=ماتت امه وهو عاده على ذرعانها
ونتي ونت سجينن مقيد بالقيود=ومع محل القيد رجله مشت دمانها

لجل قلبك وانتبه للصوادر والورود=لجت اللي لقلعت عصر من ميدانها
ان حداك الوقت حذرا تبيح بالسدود=وهد نفسك لاتطاوع لها شيطانها
والليالي ياعمر مر بيض ومر سود=والصبر مفتاح كل الهموم وشانها
ولايهمك شي مادام راسي فالوجود=والرساله ياعمر واضحن عنوانها