ياوجودي وجد من خاب ظنه بأخوياه=وحملنه سود الايام مالا يستطيع
وجد عودا"مايبي احدا" يقصرفي الصلاه=وكبروا عياله وصدواعن الطاعه جميع
من هواجيسا" تكدر علي صفو الحياه=ضيقت صدري ونا قبلها صدري وسيع
أحمل أحلام المشاهير وافكار الدهاه=لين سوت بينهاحلف في راسا" شجيع
أن بدعت الشعر لازم تناقله الرواه=وأن هبطت السوق مالد عيني في الرجيع
وأن حصل عند العرب في المواقيف اشتباه=ترجح إثقال الموازين في اليوم الشنيع
لكن في حكم آل مقرن مطوعة العصاه=بالعدل والصيرمي خلو العاصي يطيع
كلا\" مظهوره يفلي تحت فيت عصاه=سورهم بارادة الله على الدولة منيع
الله يحفظ خادم البيت ويعز الولاة=جعل رايتهم رفيعه ومنزلهم رفيع
ياهني إلي ليامن بغا شي" لقاه=ماتنطحته أصدوف الدهر مع كل ريع
وأنا عمري راح من غير تحديد اتجاه=كل ماجيت اسلك بدرب قلت أخاف اضيع
ألا منهج طاعة الله وتوحيدالاله=انهجه خوف ورجا منك يالحي السميع
وادري أن الفوز في اليوم الاخر للتقاه=مايفرق في البشر ذا شريف وذا وضيع
ولوقعدت أخاف من الفقر واحب الغناه=ضعت بين أهل السيولة وانا قدري رفيع
وان قضيت العمر كله على هذا السواه=مات جوع بعير ابوزيد ماجاه الربيع
وانا فيما سببت لي لفت الانتباه=وجيت مستعجل وثبت في الخط السريع
حدني أملك بين جمع العرب وجها" وجاه=كني أملك مال قارون واشري به وبيع
والختام أزكى تحية سلامي والصلاة=على سيد الخلق جعله لنا ولكم شفيع