الا يا وجودي وجد من شاف حظه طاح = تذوّق من الدنيا عذاب وعواقيبي
لعب به زمانه لعبت الموج بالسبّاح = قليل السباحه زفه الموج بالسيبي
الا يا معين الصابر اليوم صبري باح = وضاع الرجاء ألا فيك يا عالم الغيبي
أنا كل ما سجيت وأقول همي راح = تجيني هموم ٍ تالي الليل تسريبي
وآسامر نجوم الليل لين أصبح الصباح = هموم ٍ تقبّل بي وهم ٍ يقفيبي
الا يا هل الخبرات من يعرف الجرّاح = يداوي جروح ٍ مرمسات ٍ معاطيبي
طلبت المعونة من يدين ٍ علينا اشحاح = وهل الكبر والمنات ما تكسب الطيبي
ونويت المراح ولا استمع هرجة النصاح = وحدتني الحاجة ولا احد ٍ بيدريبي
وطراة الفتى في الدين والصبر والكفاح = وكسب المراجل قبل يبدي به الشيبي
وأنا بحمد الله يوم عنا الظلام إنزاح = وابغني المنكوس زين التعاجيبي