تسائلني0 من انت ؟ وصعب يخفي صادق نجواه=مسافات الصراحه تقصر الخطوه على الماشين
عيال ادم ومن حوا وكل عارف مثواه=خلقنا وانولدنا ثم نقبر كلنا حافين
انا طود تحداه الزمان وعلعله واشقاه=نهج في سكةالوافين لكن قلو الوافين
ولاهان النشامى كل قرم تسعفه يمناه=بعون الله وامان الله ومن فضله واقول امين
وذي دنيا عبرناها وكل صايبه ماجاه=احد يقبل ونفرح به واحد يقفي مع المقفين
سئلتي والجواب ابلغ من الواقع وما يقفاه=صراحه والصراحه ماتشح الا مع الغاوين
نواصل ما وقفنا والزمان ان جار ماعفناه=على باب الامل ناقف وباب اليأس للشاكين
طريق من مشابه مالقابه غير مايلقاه=ولاندري عن احداث الليالي والملا سالين
سلام الله على القاري وذا علمي خذه واقراه=عساها تكمل الفكره لمن يحكم على التخمين
وصلى الله على خير الانام الطيبه ذكراه=عدد من طاف بالبيت الحرام ومن يعز الدين