شبكة الشدادين - عرض مشاركة واحدة

توقيع : ملعقة

اليوم اكتشفت إني جباانه وزلابه
رحت لمستوصف الاسنان علشان في كم سن يوجوعوني
وللمعلوميه انا رحت بس اكشف ما رحت اسوي اي شي
تعالوا شوفوا
وانا بالانتظار اسمع صوت ذاك اللي يحفر الاسنان

والله وتجيني كتمه وضيييق وبطني تمغصني ودوخه وغثيان

وشوي واصيح قسسم اني زلابتن كمخه
الزبده يوم دخلت عندها وكشفت علي
تقول عندي 9 اسنان مسوسه ثلاث منهن حشو عصب والباقي حشو عادي خخخخخخخخخ

وش فيكم تناظرون تسذا

ترى والله افرشهن اقل شي مرتين باليوم عبالكم اني مب مهتمه
بس مقادير ياقلب العنا مقادير

الزبدة تبون تشوفون البنات على حقيقتهم ادخلوا غرف الاتنظار اللي بالمستشفيات

والله ترقيييييييع
وحدة لابسه شراب مقلم زهري وقميص تفاحي منقط ابيض

والثانيه لابسه قميص منمش يبي له حلق موس خخخخخ
اما الثالثه مالها دخل باللبس بس من زود الطفش والفضاوة مطلعة قطنه من شنطتها وتمسح مناكيرها

,
وانا ؟؟ وش فيني انا ؟؟

ايه كاشخه ولابسه قميص رووز سماوي مخلط بالوان الكون البديع خخخخ

,

*مايستفاد من حلقة اليوم :
1-انا طلعت زلابة وخوافة من ببعدما كنت اسدح التيوس

2-الحريم لا بغن يروحن السوق يكشخن كشخه ما بعدها كشخه وهن من جنبها

و يلا تصبحون على خير