16 Jul 2006, 10:48 PM
|
|
كن في راسي مجانيناً صحت
يالحبيب أسهرت عيني للصباح = بان نور الصبح عيني ما امرحت
كن في قلبي مثل طعن الرماح = وكن في صدري مجانيناً صحت
ااااه من طار(ن) على قلبي ياصاح = كيّته فاقصى المعاليق نجحت
في ليال الصيف برق الوسم لاح = بعد ما الذكرى من القلب انمحت
الهبايب ردّته عقب المراح =ساقته لي والمقادير سمحت
أثر ميراد الهوى سماّ ذحاح = وكنت احسب انه كما الميًّ البحت
يالطبيب دواك في طب الجراح = جعل عدوانك بهمك ما افرحت
نقبله والا نعرضه الرياح؟؟ = تاخذه في دربها لاروّحت
|