أقنب كما ذيب المسابع ليا جاع = والبدو عنه مبعّدين المراحيل
ذيب الجنوب اللي ورى ديرة سباع = عند السحر يقنب بروس الأقاذيل
على بني عمي تقافوا بالإسراع = ونسوانهم راحوا بعدهم مراميل
وخوالي اللي من تحت خايط القاع = وعمّاني اللي يتعبون الرياجيل
وربع ٍ حموني من قصيرين الأبتاع = نايف وعبدالله ليا سمعوا القيل
عقب الذرا كني على رأس ملواع = من عقب فقد مزيّنين التعاليل
منوّل طوارينا مع البدو تنشاع = نرعى الوسوم مع الأدام المغازيل
وندفع مجاهيم ٍ محالبهن الصاع = ونرعابها عشب ٍ زهوره مكاثيل
واليوم صرنا مثل وجعان الإصباع = اللي عطوه من المشافي تحاليل