ياطرفي اللي كن نومه مجافيه=يسهر لحاله والخلايق هجودا
والقلب به هم ن على الله مشاكيه=هموم صدرها والاخرى ورودا
اخذت من وقتي تجارب وتبيه=العقل اعظم نعمة ن فالوجودا
البحر تعرف حجم غدره موانيه=تعلم بمده لو اطال الركودا
لو البشر ماتنكر اللي تسويه=ماكان للاثبات يطلب شهودا
لولا اختلاف الناس للي تواليه =ما كانت الرايات بيضا وسودا
لولا الصبر والعزم الانسان يبديه=فوق القمر لا.ماستطاع الصعودا
وتبغا الكفاح تشوف وش هي معانيه=شف شعبا اعزل وش فعل باليهودا
وتبغا تربي جيل يفخر بماضيه=احذر.تضيع ما ارثوه الجدودا
احذر خيانة من تبره وتعطيه=ولابد.راع الطيب يلقى جحودا
اللي يهد الجدر ماهو ببانيه=وحديد.جدرك قيم معه الحدودا
واللي مقفي عنك.لاعاد ترجيه=اللي مقفي.مانوى انه يعودا
والدمع غالي للبشر كيف تصخيه=اصخه.بخلوه مع حليما ودودا
ولا ينقضي عمرك ورى المال تجنيه=ما فادت الاموال عاد.وثمودا