ما يخفف الاوجاع غير الطواريق=لا صار با الاصحاب خابت ظنوني
و ياللي تقول اوناس في حزة الضيق=لي مدتن ضايق ولا ونسوني
احتجتهم في ماقفٍ يصقع الريق=الغيير وقف والثنين اتركوني
دمحتها ما ابديتها للمخاليق=و حفظتها حتى ولو ما اشكروني
خايف عليهم من كثير التعاليق=طامع بعد ما شلتهم في عيوني
ابواب صدري لتشمت مغاليق=عهدٍ خذيته للـذي صاحبوني
صابر ولو حملي مثل قمة طويق=عيني على غيري والاوّلى متوونـي
واللي لقيته ما شكوه المطاليق=طعنات تذبح والسبايب ظنوني
ظنيتهم مثل الجبال الشواهيق=( طيب النوايا ) لبستنا الكفووني