18 Mar 2015, 04:05 AM
|
|
من لا يعوم بحورها يغرق بغبّ بحورها
يبقى الوعد ضمن العهد من لا وفا يردى وخاب=والماقف الغصّاب يتحتّم على مجبورها
ومادامها عنوه على الاشهاد مافيها حجاب=الرد والم والوسوم الكاويه من فورها
الشام يابشّار باقي وان نويته بالخراب=للنصر يوم يعلّم الظّلاّم معنى جورها
جهدك على السنّه من الطغيّان عدّاك الصواب=ودمارك لشعبك خلل ناس تخلّ شعورها
واللي يدينه من دما شعبه مخضبها الخضاب=دربه مراح مقيط ولجزل المثايل دورها
على رصيف المفرده بانت عناوين الكتاب=تغني عن الصفحات واللي دوّنته سطورها
مسوّدة الهامش بها المكتوب ما ودّا وجاب=لكن يدين الزور واجب ردعها عن زورها
من لا مشى درب السلامه يرهقه جور المصاب=ومن لا يعوم بحورها يغرق بغبّ بحورها
من لا يميّز راغ عن وجهة غديره للسراب=غاوي ويغوى من سلك دربه ويلقا جورها
للجاذبيّه حسب قانون السقوط الانسكاب=ويقدّي العميان في دهمة دجاها عورها
يقل منسوب الغلا لا قلّ مخزون الزهاب=ويحلّ مفهوم الجلا لا عوّدت بنحورها
الرميه اللي دون مرماها تعوّد للتراب=والموت مرّه والنفوس مسجلات قبورها
من لا عرف فرق الصقور النادرات من الغراب=ما يعتبر رايه غنيمه نافذ دستورها
نقدم على عزّ وشموخ ولا هوان الانسحاب=مادام للحقّ الحقايق نقتبس من نورها
اما حياة العزّ نرقا فوق هامات السحاب=والاّ تهون اهل العلوم الهينه من بورها
اللي دنا يامرحبا واللي هفا مال الذهاب=للعزّ وفد وللصفوف الخامسه طابورها
توقيع : هدوء ملك |
|
|
|
|
(هدوء ملك)
هذا المعرّف
اهداء من ابوراكان
لسفير وشاعر
مع التحيّه
|
|
|
|
|
سبحانك اللهم وبحمدك |
|