يا بدر هيضت الهاجوس الجزالي
يابدر هيضت الهجوس الجزالي =الي تدور بكل حاجه طريفه
اعيش في غربه بها الفكر خالي=لاكن بالي منشغل به وطيفه
من رحمته الله فوقنا والظلالي =حسيت بالراحه وحسيت خيفه
والله لولا العيب وأخشى التوالي =لآ سوقها سوق يجيب القصيفه
مير الحيا والناس ماهي تبالي =مآ يعرفون البعد لاشتد صيفه
الحر اكلني ثم أكل مابقالي=قام يتشو في العظام النحيفه.
والأرض قامت تزدحم بالجبالي=وصخورها تقسى على الي صخيفه
وودينها الي كل مالسيل سالي=تصب ماها في البرك بالنصيفه
سيلين في أسبوعين واربع ليالي=والسييل غر بيارها و الطفيفه
وعقب النقا والصفو راحت حثالي=منها يكش الجلد من زود شيفه
متمسكن واهملا هملالي =بالي مضى لاكن جتني كسيفه
راحت هماج دبج واعزتالي=مرن معلقم يذبحك من رشيفه
الي من اول طعمها كان حالي =واحلا من السكر لكبد شفيفه
الهجر والحل اختلف بالتوالي=حتى القلوب اليوم ماهي نظيفه
من يوم صار إعداي عمي وخالي=ومن يوم بار اول حليف بحليفه
الوقت الاول فيه نقص وكمالي=بعض النواقص تكمل بالنصيفه
الكامل الله هو عزيز الجلالي=في حكمته نرضى بما يستضيفه
الله عطانا نعمته بالحلالي=وحرم علينا الأكل من لحم جيفه
مع شدة الفتنه يهون القتالي=لآ صار مالك نفس معهم خفيفه
والي يسيء الظن في كل غالي =لازم نخلي العين عنه كفيفه
في كل موقف رجل يصبح مثالي=تلقى السبب في نيته لك شريفه
مبني على نيتك كل احتمالي=مبنية لاكن ماهي كليفه
ياتل قلبي تل مما جرالي=احس باحساس صعيب توصيفه
في ديرة ماهيب تطابق لحالي =مجبور فيها والعرب مستخيفه
الجسم ناحل بعد ماهو جلالي =مثل الورق لاطاح تالي خريفه
خل الصور عندك ترا الصبر طالي =والنفس ماتقبل بي أي تحريفه
بغير الدستور داخل مجالي =واحط حد لكل لك حاجه ضريفه
انا ثقيل وشلت حملن ثقالي =والنفس من بعض العرب مستعيفه
توقيع : النايش | |
التعديل الأخير تم بواسطة ! سارة الغيد ! ; 31 Aug 2015 الساعة 12:06 PM
سبب آخر: تنسيق
|