الموضوع
:
أحداث في مستواها فريدة
عرض مشاركة واحدة
[ 1 ]
25 Nov 2015, 10:14 AM
شاعر
تاريخ التسجيل : Apr 2013
رقم العضوية : 65757
الإقامة : saudi arabia
الهواية : قنص
المشاركات : 2,359
معدل التقييم : 1306
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
أحداث في مستواها فريدة
ابني هجوسي واسطّر بالاقلام=وللسطر بالشطر جمله مفيده
ابصم على محتواها بالابهام=ابيات ماشابها الزيف اكيده
طير بليّا جناحين ماحام =وجمله بلا نظم ماهي قصيده
والوقت يطويه عام بعد عام=واللي مضى مستحيل نعيده
زاغت عقول الخوارج بالاوهام=تسعر فتنها بنار وقيده
نحمي يمن وابلشونا من الشام=منّا وفينا العدا والمكيده
لاجل الفنا رفرفت سود الاعلام=واحتال بالغدر ناس تجيده
تهتف شعاراتها باسم الاسلام=واهدافها من وراها بعيده
النهج معلول والفكر هدام=والنقص يلقا فلول تزيده
عكس المسارات تضليل الاعلام=يرسل مراسيلها في بريده
وبعد المسافات في عصر الارقام=قريب رغم المسافه بعيده
اسرع من القوم لا قيل قدّام=وتسابقو والمواتر جديده
عدو يلقا من اعداه خدام=لا ضللت من حماها شريده
يغرر الغرّ وتغر الاحلام=ولا يهلك الهالك الا عضيده
بحماه محكوم في يوم الاعدام=عن المخاريج يحداه قيده
لاهو تهنا بفطره ولا صام=ولا هو رجا وجه ناوي يبيده
عطيّته في ضحى العيد الاجرام=وعيديّة العيد طلقه سديده
من معتقد لا قرابه ولا ارحام=لعيون الاغراب يرديه بيده
غنايم اقوام في عهدة اقوام=واحداث في مستواها فريده
تعجز ببعض المفاهيم الافهام=وتحير الافكار منها شريده
اغرب من اللي نشوفه بالافلام=نهج الغوى واختلال العقيده
كم ليل عدّا وكم سارت اقدام=وكم غاب تحت الثرى من فقيده
لاطال مخطي ولا فاد لوّام=حلّ القضا والقضايا عديده
والحال من حال الى حال مادام=كم هانت المعضلات الشديده
مابين الامال وحلول الالام=واللحظه المحزنه والسعيده
للصبر فرجه لمن كان عزّام=يرضى ولو نال ما لا يريده
توقيع : سفير وشاعر
تويتر (@aboaabd357)
حسبي الله لااله الاهو
عليه توكلت وهو رب العرش العظيم
-------------------------
استغفر الله الذي لا اله الا هو الحي القيّوم واتوب اليه
نور في الدرب
--------
اللهم انت وليي في الدنيا والاخره
توفني مسلما والحقني بالصالحين
ماشاء الله
لاقوّة الا بالله
سفير وشاعر
مشاهدة ملفه الشخصي
البحث عن كل مشاركات سفير وشاعر