أسعد الله أوقاتكم
تقبلوا هذة القصيدة بعد طول غيبة،،آمل أن تحوز على رضاكم
وأعذروني الكمبيوتر ماني من هواته!

الليالي وش عطنا؟؟

ياوجودي كل ما سهيل في مبداه باني=وجد من شيّب وهو في حياته ماتهنا
لايعه وقته ولامن قال زان الوقت شاني=ماتهنا في شبابه وفي شيبه معنا
من حمامٍ جر صوته بزينات الأغاني=ذكر القلب المعنى في ليالٍ قد مضنا
قلت له ياساجع الورق ماجاني كفاني=لا تعيد الذكريات أيام ما كانو وكنا
كنت ما أحسب للماخليق قاصيهم وداني=الا هو لو يطلب الروح جاته دون منا
كنت أجي وأمر وإن ماحصل لي جيت جاني=مايطاوع هرج الأنذال مهما حاولنا
أدري أن العمرمهما طال محدودٍ وفاني=وأدري أن الوقت مهما زان يقلب غصب عنا
ويوم أفكر وش خذا الوقت مني وش عطاني=ما عطانا الا القهر والليالي وش عطنا؟
ما عطنا غير حزن وغير هم وشي ثاني=كل ما جينا نتجمع غصب عنا فرقنا
ليتني يوم أتمنى أنه يطاوعني زماني=غير مجلاسٍ معه ياورق والله ماتمنا!!