ما نمت يوم العباد هجوع=والصبح يقرب وينساقي
صليت له واطلبه بخشوع =والله كتّاب الأرزاقــِي
نويت لي فالزمن مشروع =والناس كلٍ له أذواقي
أبغى المعارض وبعد أسبوع=والشاطري معرضه راقي
من عند غانم ولد شعشوع =للمرجلة رجل مشتاقي
وأبوه له صيته المرفوع =سعود بالطيب سباقي
بغيت جيبٍ من أحسن نوع=صالون واسبير علاقي
مواترٍ سعرها مقطوع =ما لفقوها تلفاقي
بأشري ولو سعرهن مرفوع =ماني شريطي فالاسواقي
قلي كذا والثمن مدفوع =من دون قولي وصداقي
بأسج رجلي وأنا ما أتوع=والريم أمره وصفاقي
بامرٍ من لاع قلبي لوع =طرقاً تدرق تدراقي
قلبي بحبه طلع مزروع =مزروع من خضر الأوراقي
يزوع قلبي علاها زوع =زوع ولا له ولا باقي
ما غير محله وباق ضلوع =قلبٍ مروح وعشاقي
بحر الهوى فيه بأسبح طوع=لو رحت في أطوال الأعماقي