لا كتب هاجوس فكر الشاعر ابيات وقراها=للقدي حق علينا ضد من يهناه سمه
من يروم الكايده لو باعو الجزله شراها=ومن يمد الفايده مابار مردود يلمه
بالزمان ودورته واتلى السنين وما وراها=وحزمة احداث تغر الغافل اللي ما يهمه
الليالي واظلمت وايامنا يضوي سناها= دل من دل الشعاع ومن سرى بالتيه خمه
السراج اليا اظلمت دهم الدياجي هو ضياها=والهمم يم المعالي /وان سرى كل بهمه
جايزة كسب المعالي ورث يمنى من جناها=والغلا يهدا لغالي والولا مبداه ذمه
المبادي الراسيات اخلاق يفرضها نقاها=والضروف القاسيات اتلين في يدين الأئمه
دون قاصر بالنشامى نخبة تحمي حماها=لا توصون النماره كيف تنفيذ المهمه
صفنا اللي لا اعتزينا فاول اعدانا فناها=لا امتطينا صهوة الامجاد من قمه لقمه
للعلاج نشخص العله ويتلاها دواها=وكان طب الطب كيه ! ننضج الكيه بهمه
نارد العد النقيه والكرامه عذب ماها=والسيوف نسلها دون الخطوب المدلهمه
فاللقا حنا لها لوما تمنينا لقاها=وناسج الاحلام يلقانا كوابيس وغمه