شبكة الشدادين - عرض مشاركة واحدة

الملف الشخصي للكاتب · توقيع : النايش

اصدورنا لصدوف بقعا صناديق
ماهمنا من جال في منطقتها

يهمنا راي الرجال المطاليق
اللي تجاربها قبل سابقتها

تكشف بك اللي خافي بالمعاليق
تجارب من قبلنا ذايقتها

ناس تقول الحق قدم المخاليق
ولاهيب تخشى ويش هي عاقبتها

ماهوب بعض الناس مايبلع الريق
ولاينطق الكلمه وهي بورقتها

مانكشف الخافي بكثر الطواريق
لوكان جوف نفوسنا محارقتها

لاكن مانجهل علوم المطافيق
اللي تهامز قدمنا بلقبتها

ناس خوطرها على الجمه اتضيق
كنك تحط الحبل فوق رقبتها

ياليتها من غفوة الحقد بتفيق
وتردع سهوم للعرب مطلقتها

اما تحصل من بعدها توافيق
والاتكف الناس من نقنقتها

وامالنا في رحمة الله معاليق
تفتح لنا ابواب الذنوب اغلقتها