دنياك يا محمد ترى فيها الحقيقة والسراب=وان صار فيها شي يا ابن الناس ما هو معضله
لو ضاقت الدنيا لها عند الولي عشرين باب=اللي خلقنا من عدم رزق العباد مسجله
واللي قوي باللهّ ترى ما يذكر انه يوم خاب=تلقاه صادق مع رياجيل الوفاء والمرجله
الطيب ياتي موهبة لا راده الله كالسحاب=احدٍ يوفق فيه والآخر يبي له مرحله
واحدٍ يبى لم الشمل واحدٍ يدور للخراب=مشغل عباد الله بهرجه جعل ربي يشغله
هو يحسب انه لا تهرج صار فرعوني وصاب=من شاف نفسه طاح مقداره وكلٍ يجهله
ومن عز نفسه عزه اللهّ صار له لينة جناب=مقبول عند الله وعند الخلق كلٍ يقبله
مير احتسبها عند ربك والله انك ما تخاب=من كب لله شي لا يندم يعوضه باجزله
الله كريم اليا طلبته وانت خاشع تستجاب=الدعوة اللي من فوادك وانت خاشع مرسله
ونهاية الموضوع كل الناس خلقوا من تراب=ورجوعهم من حيث خلقوا عند ربي ما اسهله
اطيبهم اللي حافظٍ دينه ويخشى من عذاب=لا قابل المعبود بكتابٍ يمينه تحمله