حقك ومن حقك تفوق وترقى =والغانمة والفوز تكوين برضاك
والتهنئة لك يا ابن اخينا تنقى =جزل القصيد وباسم خالك توداك
وعساك دايـم للـمعــالي تلقى=تسمو بقدرك للمعالي على اسماك
على شموخك للتفوق وتبقى=وحليفك التوفيـق يـرقـى بـمرقاك
كونك مقـدم والمقـام استـحـقى=مـا هي غـريبـة لا تقدمت بـاغـلاك
من ساسك الطيب وراسك توقي=ومسيرتك بالطيب طابت بمقداك
عبدالعزيز اللي من أصل المنقى=عزيز من روس المعزة بمعناك
يحفظك ربي يا عزيزي وتبقى=ذخراً لمن يرجيك والطيب مبداك
تدوم دايـم بـالمعالي وترقى=وعلى سمـوك مـن سما ماتوداك