عشت يا(جزل البيان) وعاش مبنى قافك=من نشدني عن جنابك قلت ميه ميه
مغلي مغليك زود وعايف من عافك=والتحيه جتك مني وافيه مثنيه
ارتقيت المرجله في نايف مانافك=واكتسبت اسما المعاني مثل شرب الميه
الشجاعه ممتطيها والجزال لحافك=والمعزه والقدر لاجلك على ما هيه
بيض الله وجهك السمح ووجيه اسلافك=ونور الله نجمك الساطع على الغوريه
من سمع بك قدرك وش لون لوهو شافك=يامقدمها على كفك نهار الهيه
ترتكي للحمل وتشيل الثقال اكتافك=ياهياب القرم منك ويا ثبور العيه
طايف في ساحة الميدان مااحد طافك=دون نقص فالرجال الوافيه موليه
عطر الله قدر ابوك وخامسك واطرافك=الرجال مقدره والمرجله مبنيه
تنثني روس كثيره دون قطع رهافك=قلتها وافي واثبتها بصدق النيه