أشرقت شمس جفت بأكسجين الحقول=واغربت مستحيل أحلم بنسيانها
أرتجفت ووقفت وصار فيني ذهول=ولّعت نار وأنا صرت دخانها
خلّف آدم وحواء بنت غيداء دلول=تبتهل شر وإلا خير لأخوانها
لو يصيب العيون من المحبه كسول=خضعت روس قوم لسيف سلطانها
ويش معنى النحل لولا العسل يا معسول=وويش معنى القلوب بدون وجدانها
كيف بمنعك وافتح لك جميع القفول=رحت تسرح وتمرح وسط بيبانها
القصيدة على شانك تصول وتجول=خلقت نفسها من ضلع شيطانها
من يدوّر على الحكمة براس مهبول=وأنت حكمة خلقك الله على شانها
في عيونك سوالف ويش تبغى تقول=خلها تشرح القصة وعنوانها
اطعن الخوف كن واثق بكل الحلول=شرد الأفكار قل لي ويش برهانها
قبل تندم بما تفعل على ما تنول=حاسب النفس قبل حساب ديانها
خلنا ننفض غبار السنين المحول=في حضن جنة الدنيا وريضانها
كل كلمة بريئة للخطيئة غسول=فرشت لك طيور الحب جنحانها
شفت من سبع بعيونك محل وأبو هول=والحدائق وبرج إيفل بحجانها
يضوي الرمش الأسود فوق طرفٍ خجول=وبين مثل الشفق مزنه وربانها
وعنقك اللي مثل عنق المهاة الجفول=الحذر شم ما هو وشوف بأعيانها
وبين متنك وصدرك والردوف معزول=جل من يعطي النعمة ومنانها
ضام ساقيك من ردفيك ثقل الحمول=يرجح الكيل بالكفـة وميزانها
فيك من كل شكل بكل لون معمول=وكل الأشكال لونك ذاب بألوانها
فيك كلك على جيلك جميع الفصول=وفيك كل الزهور الخضر بأغصانها
ولك باقة ورود الحب خذها قبول=وألك دولة برئيسها وسكانها
أنت درة ما تشبع منك كل الفضول=قطرةً من ندى ما شرب عطشانها
ما تخيلت من شفتك على كل زول=اضمحل بعيوني شوف خلانها
كان ما فيه مثلك ما يثير العقول=كل وردة تمـوت بوسط بستانها
يمدح السوق من يربح بدى يا عذول=اترك الناس رابحها وخسرانها
آه لوجابت القدرة شداد وذلول=ما تضيق الوسيعة بين ضلعانها
نسترد ألنفس بالأرض عرضً وطول=ونتبادل عزاء الدنيا وحرمانها
بس ماني على قسمة وكيلي عجول=الله اللي رفع نفسي ولاهانها
عزة النفس تبقى والغريزة تزول=ما تموت النفوس يموت جثمانها