27 Feb 2005, 10:10 PM
|
|
|
يمه ابي اتزوج.....
هذه الام تروي لنا قصتها مع بنتها....
والان مع هذه الام ..
اسمعوها...
الام تتحدث..
بنتي البكر عمرها الحين عشر سنوات جتني تقول : يمه أبي لما أكبر اتزوج من رجل ملتزم بس أنا خايفه من شي .. (خذيتها على قدها ) وقلت : من شنو خايفه قالت : أخاف أقول له أبي أسوق وأشتغل يطلقني ..ما قدرت امسك نفسي من الضحك وطبعا ردة فعلها كانت بين مستغربه وبين زعلانه علي ليش اضحك ..قلت : يا حبيبتي أول شي أن الكلام هذا تو الناس عليه توك صغيره .. وبعدين المرأه اللي ربة بيت لا تشتغل ولا تسوق هذي تعيش بسعاده وتحس أنها ملكه افضل مليووووووون مره من اللي تسوق وتشتغل ..مصروفها يطيح في يدها كل شهر بدون ما تتعب ومنو هذا اللي ما يبي مرته تشتغل!! ..هذا رجل (نادر) حتى الرجل الملتزم ما عنده مانع أن مرته تشتغل .. الحين صارت البنت اللي ما تشتغل مايبونها تعنس في بيت أهلها للأسف ..
كنت اقول لها هالكلام وأنا ابتسم بوجهها .. قالت : يمه ضميني وضميتها قالت كعادتها : امسحي على ظهري ومسحت قالت : يمه أبي قصه من قصصك الحلوه ..قلت بقص عليك قصة صناديق الكنز الثلاثه..
وقلت : كان يا ما كان في قديم الزمان بنت اسمها جميله وأخوها أسمه جميل يعيشون في قصر كبير مع والدهم سليمان وهوأكبر تاجر في البلاد..يملك من البيوت والمزارع والأسواق الشي الكثير .. وكان له أخ متوسط الحال يعيش في بيت صغير هو وزوجته وأبناؤه السبعه .. اسمه سالم وكان يحقد على أخوه وتشاركه الحقد زوجته .. كان يطمع فيما عند أخوه من نعمه وخير
وكان التاجر سليمان .. لا يبخل على أخوه ولكن سالم كان يطمع بأن تكون ثروة أخوه له وحده ..وكان يطلب المزيد ولا يشبع .. ودائما يتذمر ويقول أنا فقير ..
وكان التاجر سليمان يسافر كل ثلاث شهور ومعه القافلة والعمال إلى بلاد بعيدة تقع في الشمال .. ليأتي ببضاعة جديدة يبيعها في السوق
وجميل ابنه كان يخاف على أخته جميله فلا يفارقها أبدا إن خرج من القصر خرجت معه وإن جلس في القصر فهي معه جعلها كظله لا يفارقها ابدا لأنه يشعر أنها أمانه برقبته لأن والده مسافر ومشغول
ليش سكتي؟؟كملي ....
وش رايكم اكمل والا لا ....؟
|