ليتني ماعشت لليوم الشـؤوم=ولا سمعت العلم واكبار الجلل
والله اني ماقدرت اقف واقوم=من سمعته كن صايبني شلـل
يرحمك رب السموات الرحوم=يامليكٍ موته ايجيـب العلـل
ادري ان الموت حقٍ للعمـوم=مير موتك غل وفراقك غلـل
انت تبكيك المشايخ والقـروم=مابكاك النيـص دوار الزلـل
الجزيره جوها محزن كتـوم=العرب ضاقت وصايبها كلـل
تبكي رجال المواقف والعزوم=غيبتك سوت براضيينا خلـل
خادم البيتين قضـاي اللـزوم=استلمها عش وخلاهـا فلـل
مايفرق بين حاكـم ومحكـوم=ساوى بين الخمسميه والهلـل
لو يفيد الدمع صرناله غيـوم=انفجرنا والثرى صابـه بلـل
دنيةٍ تاخذك وتخلي الرخـوم=عيشةٍ فيها يابو فيصل ملـل!!