ماكل هارون ايتسمى صار هـارون الرشيـد=والشعر مثل الكيف ماكـلٍٍ لـك الله يظبطـه
ولاكل منهو كثـرة فلوسـه يسمونـه سعيـد=ترا السعيد اللي يطيـع الله وكـب الزغلطـه
ولاكل منهو ركب ابيوته على نهـج القصيـد=ايحلحل اعقود الحبل ثـم للخصيـم ايرْبطـه
ولاكل من عنده بطاقة سحب يملك له رصيـد=ياكم حسابـات واسامـي فالبنـوك محنطـه
والسيف سيف بهيبته ماهو سكاكين السويـد=وكم تاجرٍٍ فاللازمـه يمنـاه دومـآ مفرطـه
ولاكل راعي جامعه مـن الدراسـه مستفيـد=ياكـم شهـادة جامعـه ماعادلـة متوسطـه
وترا الذهب يبقى ذهب لو الصداء ناش الحديد=ولايجتمع هذا وهـذا والغبـي مـن يخلطـه
والطبع يخلق فالملا وكلٍٍ علـى طبعـه يعيـد=وراع النمايم فالمجالس كـان محـد ايقلطـه
وروسٍٍ على درب الوفا والطيب نظرتها بعيد=وروسٍٍ تفكر بالـردا ومـن الـردا متجلطـه
لو كان تعطيهم عسل بكبودهم مثـل الاسيـد=ماتجازي الطيب الوفا علـى الـردا متسلطـه
ولاكل دكتورٍٍ يعرف الاوعيـه قـص الوريـد=الا دكاتر ذوا اختصاص وتحترف بالمشرطـه
ومنهو يقول الناس واحد عاكسٍٍ تسعين سيد=قلـه هـذاك البحـر ياعمـي وروح وبلطـه
وهذي قصيـده قلتهـا والله يدبـر مايريـد=ويارب جنبنا الاثم واهـل الغلـط والمغلطـه