سلام ياربعي عمى عين الحريب=في منتدى راقي وعالي مستـواه
رفيقي السلطان يدعيني واجيب=ومتعب بن فراج يسعدني لقـاه

يامرحبابك وانت مانتـه بالغريـب=من روس ابالحارث والك قدر وجاه
نادوك ربعـك وانتبهلـي لاتغيـب=خاو العرب لاتختلف في الاتجـاه

يقلون ابه محفل عسى الموعد قريب=قلي وش اللي صار ياقاض القضاه
ياللي تخض الماء ماهومثل الحليب=ماهو برائب لو يطول فـي سقـاه

ان كان في المحفل يابن عمي نصيب=بيجيك علمه والخبـر ياخـذ سـراه
ياللي تودي للخبـر مـدري تجيـب=خل السوالف من تحت كـم العبـاه

حرب النجوم اصبح في العالم رهيب=وحنا وراء الخلفات نمشي في الفلاه
واللي يجر الصوت وهو في الشعيب=ماجاوبه غيـر الجبـل ردد صـداه

حرب النجوم اللي تقوله يالحبيب=الله يناجينـا ويكفيـنـا بــلاه
واللي تمنا فالمنا ماهوب عيـب=يمكن مع الايـام يتحقـق منـاه

ماكل من يرمي الهدف رميه يصيب=ولا كل من دور على شـئ لقـاه
وانا رفيقك ان عواء ذيـب لذيـب=ونور القمر في الليل نمشي في سناه

يالرامي الماهر ترا المرمى تعيـب=مره يجي دون الهدف مـره وراه
مار احتزم بالسيف والرمح العطيب=حتى توردها علـى العـد الـرواه

مـن شـب نـار الحرب ماسلم اللهيب = ومن لاشـرب بيداه مايروى ضماه
ومايطلع المبر سـواء شيخ وخطيب = يعرف امور الدين وشروط الصلاه

الموت سنه ولايجيك الا النصيب = والكاسب اللي للولي يرفع يداه
جرح يطيب وجرح يبطي مايطيب = يعجز اهل الطب ماتلقا دواه

ياللي جرحك الـوقت دور للطبيب = الـمـتـهـم حـاصـل على صك البراه
واللي بداء بالطيب يلقى كل طيب = واللي زرع له زرع ياكل من جناه

علم يصيب وعلم لالا مايصيب = وعلمك ترا ماصار فيه الاشتباه
الحلم يكبر والبن ادم لو يشيب = ماوقفت احلامه ولا وقف رجاه