جعل السحاب اللي تصاعق ارعوده = يمطر على قبر ٍ به القرم مدفون
اللي لفعل الطيب يشعب قعوده = يحب درب الطيب و فالطيب مفتون
حر ٍ ولد حر ٍ عريبه اجدوده = نسل الشيوخ امروّية كل مسنون
مرحوم يا رجل ٍ ما ضاعت اعهوده = ومرحوم يا رجل ٍ على السد مامون
ياعنك ما والله بنفسه حسوده = ايضاً ولا قط قال مع من يقولون
عليه دمع العين حرّق اخدوده = وعليه قلبي يا بدر صار مطعون
وعليه وجدي وجد من راح ذوده = اباعره بها المعادين يقفون
والا طريح ٍ طاح ما جاب فوده = وخلوه ربعه طايح ٍ في ضحى الكون
خلوه ربعه والضواري تروده = وعليه عكفان المخالب يحومون
ويالله ياللي ماش حال ٍ يكوده = يا واحد ٍ له المخاليق يرجون
طالبك يالمعبود تجعل قعوده = في جنة ٍ فيها النبيين يرسون