يا سابقي قدرك رفيع = وأعديلك بدّر البكار
ولو زوّدوا لي ما نبيع = ماني بضاري بالثبار
ابغى ليا طاح المنيع = ألحق بها سربة (( شرار))

يا سابقي خبي خبيب = خبيب ذيب ٍ مع براح
الله يبدي لك نصيب = لا ثار بندقنا صباح
بأطراف قطعان ٍ عزيب = بكره ليا قلنا الفلاح

البيض مني تغتشي الاد شداد = ومن حربهم يا عميش بالي معيفي
سقى مرابيهم من الوسم رعّاد = من رايح ٍ برقه سرى له رفيفي
أهل سراياً للمعادين تنقاد = وبأيمانهم دهم الفرنج النظيفي
يوم ٍ على جمع الشيابين لا عاد = ما عاد تالينا يشيل الرديفي
لو كان حنا في المراكيض لهّاد = يفرح بنا راع الجواد الضعيفي
لكن تواجهنا على غير ميعاد = ويا ظفرهم يوم أقبلوا بالرهيفي
سموا بن الحارث كما السيل لا زاد = وحنا كما ضلع ٍ طويل ٍ منيفي
ومن مات ما حاش المدايح والأفواد = عساه في وادي جهنم يهيفي