شبكة الشدادين - عرض مشاركة واحدة

توقيع : برق الهدا

اولا اعتذر من جميع الاخوة لتاخري في الرد لاني انشغلت ونسيت الموضوع للاسف

وتوني اشوف الموضوع وافتكره اليوم فالتمس منكم العذر .

هي قصتان مشهورتان اولاهما للعصيمية حيث ارسلت لعجير ابن مهرس تشتكي من زوجها وتنخاه

للتخلص منه.

وكان زوجها يجمع الملح ( الصبخا ) ويبيعه وقد كان رجل على قد حاله وماهوب فارس وهو ( كدش ) كما وصفته العصيميه اي خبل لكنه ابن عمها ومغصوبه عليه فما وجدت الا ان ترسل لابن مهرس تستفزعه ليخلصها منه وقد ارسلت له قصيده احفظ منها هذه الابيات واتمنى من يحفظها كامله تزويدنا بها وهذه قصيدة العصيمية :

تكفى يابن مهرس معشي الذيابه=ترى يجيك مع المقيطع لزومي
ماريته خدش خبيث زهابه=والملح في حدو الخميل محزومي
اظن منكم فزعة يا شبابه=ارموا عسى الله يقدي السهومي

ويوم وصلت القصيده لعجير اخذ كم واحد من جماعته وطلع يدور رجال العصيميه على الوصف ولقاه ومسكه دون قتال وقاله ترى انا موصى على ذبحك ( ارموا عسى الله يقدي السهومي ) الا اذا عاهدتنا تنفذ ما نطلب قال اش تطلب يابن مهرس قال تفك اللي انت راهنها والان انت مذبوح والجمل ماخوذ قال العصيمي لا اعاهدك اني افكها .

ويوم رجع لها ارسلها لاهلها مطلقه . ويقال ان ابن مهرس ارسلها جمل عفر محمل كسوة .

سمعت بالقصة هذي المطيرية زوجة ضاوي المطيري لكن ضاوي فارس مهاب بين ربعه لكن زوجته ما كانت تباه فارسلت لابن مهرس قصيده تنخاه يخلصها من ضاوي ولان عندي لبس في بعض التفاصيل والقصيده حقت المطيريه احسها غير مرتبه كما احفظها اتمنى تعذروني من ايرادها الان وسوف احاول جاهدا البحث عنها وعن بعض الجزئيات الغير مكتمله في القصة حتى حينه شاكر طيب المتابعه .