وا جاري اللي كل يوم ٍ جديدي = ولا كثر حسوفه على فايت ٍ فات
راعي دلال ٍ ما شغلها الزهيدي = ونجر ٍ لأهل عوص النضاء يرمي الأصوات
أبو سعد حامي عقاب البليدي = زبن القحوم الجاذيه في المثارات
خيّال شول ٍ ما يكفكف رديدي = وأليا أعتزى من دونها راحوا اشتات
يا ربعنا شوف الشدادين عيدي = وظعونهم لا اقفت يجي القلب حسّات
ويا طي قلبي طيّهم للشديدي = والبيض في غبطانهن امخبيّات
يبون برّاق ٍ مزونه بعيدي = يرعونها في شف لقح ٍ وخلفات
وألهم على النقيان رسم ووعيدي = وميرادهم عد ٍ هضابه منيفات
وأنا مع الغلبا كعام الضديدي = نتبع مشاهينا بليا خسارات
على النقاء الوضّاح والله شهيدي = وكل ٍ يبا يلقى حسابه ليا مات
ودقلاتنا منها يلين الحديدي = مثل النهار اللي غطى خشم أبانات
ياليت قلبي من همومه يهيدي = ويا مرحبا يا دبرة الله ليا جات