ياجرح كبدي على اللي شافته عيني=فـي ثالـث العيـد يـوم النـاس ملتمـه
قابـلـت غــرو ٍ عــذاب ٍ للمحبيـنـي=يلعب بقلب الهواوي في طرف كّمه
قابلـتـهـا ووقـفــت يـمــي تنـابـيـنـي=لـكـنّ موحيـتـهـا خـجـلـه ومهـتـمـه
من خـوف لحـد ٍ يناظرهـا تنادينـي=وانا بعد حرص ما أبغى هرجة الخمه
وقـفـت وقـلـبـي تـتـلـه بالشـراييـنـي=تل الرشـا للدلـو مـن منهـل الجمـه
الخشـم منقـاد مـن بيـن الحجاجينـي=والعين عين الوحش في ذمتـي ذمـه
وحواجـب ٍ كنهـا هــلال الشيابيـنـي=والـخـد مـاكـنـه الا بـــارق الـغـمـه
سنّه ان بالغت يمكن حول عشرينـي=اصغيـر سنـه نهـيـده بــاول الـزّمـه
مـن بعـد شّوفـه ما انـام الليـل جافينـي=العيـن عافـت لذيـذ النـوم مـن هـمـه
لـولا اللـحـن يــوم اغنيـبـه يسليـنـي=لطـش ثوبـي ولالحـق ثوبـي العمـه
وياليت مجـدال بعـد غنيـت يوحينـي=يوم ارفع الصوت بين الناس وادمه
خابره في نفس مشواري مخاوينـي=حـب الهـوى والمـوده شاربـن دمـه