12 Feb 2009, 09:24 PM
|
[ 43 ]
|
شاعر
تاريخ التسجيل : Sep 2007 |
رقم العضوية : 3815 |
الإقامة : saudi arabia |
مواضيع : 74 |
الردود : 1306 |
مجموع المشاركات : 1,380 |
معدل التقييم : 34 |
|
بيض الله وجهك يا أبو عبيد
وهذي قصيدة للشاعر بسيس بن حديّد الشدادي رحمه الله:
كريم يا برق ٍ سرى في مناشيه=ينوض مابين التهم والشعوفي
نوه ليا خيّل ودن الرعد فيه =قام يتلامع مثل لمع السيوفي
محلا الحياء والوقت ماينقعد فيه=ألا الذي تحداه عنه الظروفي
وهذا زمان ما يعلم بطاريه =وراع الشداد أنحال فوق الردوفي
والضيف يبغى له كريم ٍ يعشيه=أما ذبح له تيس وألا خروفي
والرجل صار أطماعته عند عانيه=يبغى على بنته تجيه الألوفي
وأليا عطي خمسين ما هيب ترضيه =خمسين للحفلة وراعي الزروفي
وياللي بنيت البيت جوّد مبانيه =ثبت له العمدان قبل السقوفي
خله يزين ويعجب للي سكن فيه=ولا تلحق المال المولي حسوفي
والنفس صنها والرداء لا تجي فيه=ودع بها رب القوي والضعوفي
والحكي بين الناس بالك توديه=أن كان ابه عندك من الله خوفي
ومع الجماعة كل فرض تصليه=دين عليك وكل مديون يوفي
وهذي أبيات من قصيدة للشيخ سفر بن جازع الشدادي في مدح آل سعود كانت عندي في شريط ولكن قدر الله وضاع الشريط:
يا طويق جاك الغيث من غر الأمزان = والسيل مع وادي حنيفه يريعي
ماكر حرار ٍ شيخها طير حوران = حر ٍ على قتل الحباري سريعي
ونعم ٍ بني مقرن ليا جات الأكوان = وضاق النهار اللي منوّل وسيعي
لا جالها مع طلعت الصبح دندان = مثل الصواعق في مزون الربيعي
|
توقيع : فيصل بن مهرس | |
|
|
|