سلام ياللي ذكرهـم يرفـع الـراس=آلاد شـدّاد البـحـور الهـوالـي
كسّابت القالات فـي كـل نومـاس=كسّابت القـالات فـي كـل حالـي
ربعٍ لهم في قمة المجـد مجـلاس=حماسة البن الخضر فـي الدلالـي
تاريخهم معروف تدري به النـاس=من خصمهـم مايطلبـون المهالـي
عجير بن مهرس وعايض ومحماس=يروون حـدّ المرهفـات السلالـي
ومفلح فعوله مالهـا عـدّ وقيـاس=سمّ العدا وإن جـا نهـار القتالـي
ومبارك اللي بالفخر مالـه أجنـاس=وشرار بن سعـد كريـم السبالـي
ربعٍ قروم وللفخـر تلبـس لبـاس=وبأفعالهـم نعتـز طـول الليـالـي
شيوخنا اللي يوم الأريـاق يبّـاس=على ظهـور مصرعـات الحبالـي
خيالهم ياخذ على الخيـل مـرواس=يطـب غبـات البحـر مـا يبالـي
ياكثر ماركبوا على قـبّ الأفـراس=غزوا بها شرق وجنوب وشمالـي
مراحهم في خايـع ٍ مابـه أونـاس=ومع السحر كـلٍ بصوتـه يلالـي
كم حلةٍ من عقبهم راحت أرمـاس=أقفوا بها علـى ظهـور الجمالـي
والبيت مايبنونه إلا علـى سـاس=وبنيٍ بلا سيسـان يصبـح هيالـي
الساس من قحطان ياماأطيب الساس=من ربع ابن شفلوت والحظ عالـي
من جا لهم طمعان عود بالإفـلاس=مافـاد لا مكسـب ولا راس مالـي
واليوم جا شيخٍ مقلّـع للأضـراس=أبو حسين اللـي يشيـل الثقالـي
غير الكرم والجود للبحـر غطّـاس=يحـاول خصامـه وهـو مايحالـي
مايستمع في كـل حاسـد وبـلاس=حيدٍ يذرّي عـن هبـوب العوالـي
مادام راسه حـي ماعندنـا بـاس=عساه يسلـم لـه سنيـن طوالـي