إلى السلطان - وعبدالله الشدادي
السلام عليكم ورحمة الله وبركاته
لن ادخل في اسبار ما ارمي اليه ولكن العنوان والقصيده تعبر وتناشد اصحاب العلاقة وتكفون يالاجاويد - شعراء وشاعرات - كتاب وكاتبات ساعدوني ابي يديكم واقلامكم وجوالاتكم وهممكم الجباره اناث ٍ وذكور والامر يعني الجميع وبدونكم ماني بشي . ولن اقدم ولن أؤخر..
والف مبروك علينا وعليكم جميعاً هذه المناسبة ...
وتقبلوا مني هذه القصبدة :
على الله توكلنا وبسمه بديت القاف =رسالة محب بصدق يرسم معانيها
ابارك لبو عبدالله الشامخ النفناف= ولي به مطاليب(ن) عسى انه يلبيها
وبارك لعبدالله وقول وين ماتنشاف=عساها شهور (ن) تهتني في لياليها
ونخبة كبيره بدرها مايشاف وطاف=حرمنا تواجدها وطالت مهاليها
وانا اليوم جتني بنت تبكي تريد الحاف=من البرد مدري من هموماً تعانيها
وقلت اجلسي يابنت ويش الخبر بنصاف=وقالت علومي ياعسى الله يسويها
انا بنت مابجلس ولكن على الوقاف =تراني بوجهك طلبتي لاتخليها
اريدك توصل لي مع الطاير الرفاف=رسالة محب وجعلي افرح بتاليها
ومضمونها مني الى مكرمي الأضياف=تروا البنت تستحضر على فقد اهاليها
انا بنتكم ذات الصوامع مع الاطناف =عفيفه حصينه والله اللي يكاليها
تعاااالوا هلموا عيشتي عقبكم تنعاف=وعيني جفت نوم الهنا لايجي فيها
ويحرم على الزاد دام العيون اذراف=بدمع الفراق ولوعة الشوق تكويها
اذا كنت تقدر يبن الاجواد دون اسراف=فبلغ سلام البنت واستر بداويها
وقلت ابشري لك مني آآقدم المعراف=عسى تنعُمي بمياه تغدق مجاريها
وانا اليوم اناشد من قرابداخل المضراف=يقر بعيون البنت .. وتعيش امانيها
ولاخير في ثغراً تجمل بدون اشفاف = وحنا بنرحل وااالتوالي لواليها
ارا اليوم نتبادل تهاني طرب ولهاف=وراس السنه من يضمن البنت يأويها
ترون الجمل مانظرته تحت دهس اخفاف=شموخ الشجر عينه تراقب أعاليها
وسلامتكم: ترون القصيدة للتو اكتبها على الكيبورد وقابله للنقد واذا وجدت مايستوجب نقده سوف اعمل به على الفور . وكل عام وانت بخير ...
التعديل الأخير تم بواسطة البواردي ; 18 Dec 2009 الساعة 09:27 PM
|