ولا ياكم سرينا كم غبشنا=سوات الذيب من ديره لديره
ولو الوقت يبطي مانصفنا=يمانينا ترى ماهي قصيره
تشرف معرفتنا من عرفنا=ولنا بالمجد تاريخٍ وسيره
ولا نحسب حساب لما صرفنا=مدام أرزاق خالقنا وفيره
ولانرجي سوى ربٍ خلقنا=ونعيش بخير في ستر وستيره
رقينا عالي القمه وشفنا=طناخة ناس وأشكالٍ حقيره
ولو تكسر حدى الأرجل وقفنا=على الأخرى وكملنا المسيره
على الطالات نقدم مانكفنا=ودروب المرجله دايم عسيره
وللهلباج والله ما ألتفتنا=ولا سلناه وش يخفي ضميره