لا اله الا الله الوالي له الفضل ورجانا فالله=لامصاف ولا مطاف الا بنوره يستتب النور
ان توكلنا على الله زان مبناها على هدو الله=الجليه للبليه والضيا وضاح بالديجور
انظم الجزله حسب ماجودها والجود من جود الله=والوجيه الغانمه تكرم ولا فيها ولامحقور
دامها تفرض تنكبنا بلاها وانتخينا بالله=يبلغ الوافي وفاه وللمعدي شور دون الشور
يامدورها على جال الدليله تمها لاجل الله=وافتهمها لين ترجع لا مخالفها ولا مدحور
كان تاهت مع صروف الوقت يبقا علمها عند الله=وان تماشت او تلاشت كل مدلوله لها دستور
ان رضي ربي تخطيت الملامه وان زعل خلق الله=لا كسرت المستحيل ولاقطعت الا حبال الزور
حبنا لله ولب المسأله مرهون في حب الله=والادب حزمه ولزمه وان حزبنا الجور دون الجور
ما بلحقها حسايف دام مبناها على شرع الله=والحقايق للعوايق والدوا في ذمة الدكتور
ترفع الهامات لكن فالحقيقه تنثني تحت الله=والرجا بالله0 وعدوانه عليها الويل والثبور
ادمح الزله واذا حانت ملاقات العدو لاوالله=وان حشرك بزاويه حقك تحدد نقطة العبور