من حورها كنّها حشاشه ...؟؟!!
اسمحوووووا بالمشااااركه
وأعذررروني عن القصور وان شاء الله القادم أحلا
.
.
.
.
ياصغير السن مالك داعي = بين وقفت ناظرك وارماشه
شفت بلسم علّتي واوجاعي = والغلا والنيّه الغشاشه
كل هذا منك!!.. وانت بتاعي!! = كيف لو بيني وبينك باشه!!
ياصغير السن خلّك واعي = مادرى المقبور عن نبّاشه
ميت في حبكم ..ياوراعي!! = لا يغرك سكبة الدشداشه!!
برمجة فكري وكل أوضاعي = من بعدكم جى لها وشواشه
وانت لا واعي!! .. ولا انته ناعي!!=والرهاوي ما تبرّد جاشه!!
قصة المتبوع والتبّاعي = ما بقى الا تنعرض فالشاشه!!
يابعد روحي ..ياكل اطماعي = يابياضٍ ما عليه غباشه
في وصوفك تطرب الأسماعي =غير عن هيفا... وغير قماشه
يوم أشوفك والعيون اوساعي = من حورها كنها حشاشه!!
والردايف فوقها الأضلاعي = كنها عن بعضها منحاشه
لين بيّن خصرك المرياعي = خصر ظبيٍ ماوراه عراشه
والشهد من مبسمك مرضاعي =طبّ قلب حبيبّك وأنعاشه
من شرى من حبكم ماباعي = لو يشيل إله الوليد خياشه!!
لو يجيب الماس أغلا أنواعي =يرجع الخيّاش مع مطراشه
ياصغيّر والله اني راعي!!! = راعي المشاعر الجيّاشه
هات قلبك واوودعه موداعي =جوف صدري مشلحه وفراشه
.
.
.
الرهـــــــــــــاوي
توقيع : الرهاوي |
شامة في خدها الأيمن على حد الشفايـف=وشامة في خدها الأيسر على مفرق حنكها
والعيون اللى تتل القلب من خلف النحايف=لا صغار ولا كبار ورمشها يحرص فلكها
ياحياتي ياغناتي وش بقى؟؟.. ياماي لايف=والله ان روح من أسبابك بدت على وشكها
الرهاوي
|
التعديل الأخير تم بواسطة الرهاوي ; 13 Jan 2007 الساعة 07:39 PM
|