يا مزيد يا شيخ الشلاوى = لا تحسّبنا هايبين
إن جيتنا ذقت المراره = والله لتجر الونين

ياللي تبا حرب الشلاوى = حنا عماكم من سنين
حريبنا يشكي الخساره = ومن فعلنا القاسي يلين

أكنا على العجمان والنور ما بان = كون ٍ تسولف به جميع البوادي
منهم خذينا الوضح حلوات الالبان = وأصبح يقسمهن أمير الشدادي
ابن جريس يا شوق سحاب الاردان = ولا هان ابن مهرس نحاز المعادي
وكم ابلج ٍ خلي تعشاه سرحان = كله لعانا مقرعات التوادي

يا أبو سعد سج الركايب يسيرن =وأليا غدا شي ٍ على الله بداله
نركب على هجن ٍ للابعاد يدنن = أكوارها تصرخ صريخ المحاله
وحريبنا لو هو بعيد ٍ شكاهن = في المال وألا في شفايا رجاله
فاتن ثلاث ليال والنجر ما دن = والبن باح ولا بقى ألا دلاله

جانا على ابن هريس قوم ٍ رويه = على النقاء ماهوب بوق ٍٍ بالاصحاب

أسلم وسلم لي على الشيخ مقبول = شيخ الشلاوى اللي ورى الضلع قده

أن كانكم يم الشلاوى مغايير = تحسّبوا للبر شره وخيره
أخاف من حشرا مع الصبح وعجير = هذيك مذبوحه وهذي كسيره

يا عجير بن مهرس نبا الخيل تنصاك = أما هجاد الليل وألا الصباحي
نبغا ربوعك حالف ٍما تعداك = بمصقلات سيوفنا والرماحي
تضحك لنا لكن بانت خفاياك = وسقوى ليا جينا وصاح الصياحي
وبرز شليويح العطاوي وناداك = حتى تتوب عن المجي والمراحي

ياللي تمنا واحد ٍ ما تمناك = ما انته معيّن من هجاده صلاحي

لا والله اللي سلم منا ابن متروك = وإنا عليه امقطعين السلومي

هاضني صانع ٍ طربان = وردودها يم قاعد ودها
لا تحسب الحرب يا ذقنان = مثل الفيس يوم تحدها
ياما حداناكم على الصوان = والشلف نروي حدها