30 Mar 2015, 07:28 PM
|
|
وقت الشدائد يا وطنا شدادين
يا خادم البيتين يا الشهم سلمان=يا قايد الأمة زعيم السلاطين
يا ابن الملوك اللي على الحق عوّان=نفخر بهم يوم اختلاف الموازين
أنتم حكمت نجد بالسيف شامان=على ظهور الخيل مثل الشياهين
ولبيت دعوة جارنا والسعد بان=بصقور جوٍ ما تهاب المعادين
في ليلةٍ ولّع سماها بنيران=على عدو الدم والشرع والدين
الحوثي المارد على ملة ايران=مع الملالي واتباع الشياطين
عبّادة المذهب وتعظيم الاوثان=ولهم على دين الشريعة قوانين
يا سابع ملوك الجزيرة كحيلان=حنا ترى دون الوطن مستعدين
الروح نهديها على شان الأوطان=والمال وعيال الرجال الشجيعين
نفديك يا دار العروبة والإيمان= وقت الشدائد يا وطنا شدادين
أبشر بعزك عاصفة حزم وأمان= والدار محمية وشوف الموامين
لا ثارت الهيجا مع الملح دخان=شعبٍ سعودي والقبائل عناوين
نارد على حوض المنايا بالاكفان=ونقبل على نيل الشهادة ملبين
مطر بن مهمّل الشدادي
توقيع : مطر بن مهمّل | سبحانك اللهم وبحمدك |
|