شبكة الشدادين - عرض مشاركة واحدة

الملف الشخصي للكاتب · توقيع : هواجيس بدويه

هذي قصيده في قبايل العبيدات
ومهما قلت من القصيد لن اوفيهم حقهم :::

يقول... ابن خربوش هات القلم عد
ابيات شعرن لي عليها .......وقايع

من هاجسن ماينتق الا من الشرد
اما يجن ........افوات والا جمايع

ماقلتها شاكي من الشمس والبرد
ولاقلت لايعني من..... الحب لايع

ولا قلتها ....قصدي مجارا ولا رد
ولا قلتها ارجي من وراها طمايع

قلته سبب منهو عن. الدين مرتد
قبله سواد اضعيف شين الطبايع

راع النمايم.... منشب البد فالبد
الهرج كبر الظلع والطبع.. مايع

يبغي يشب النار بإصرارن وحقد
حتى تجي بين... الجماعه ولايع

ياللي تبي تفريق شمل العرب هد
الناس ماهي في.... يدينك بضايع

لوهي على كيفك ولوهي على الود
ذوقتهم من........ جور بقعا فجايع

لكن هل الطالات والطيب والمجد
مايسمعون.. الشور لا صار ضايع

ربعي.... عبيداتن تضد العدا ضد
قبايلن مثل الحصون ......المنايع

يبقون ....صفن واحد وجدهم جد
اقنيزعي وطالبي....... و زوايع

الاد ...راشد مروية شابي الحد
يوم الجيوش يجهزون ..الطلايع

ومسلمين..... يقتظ الشان ويسد
وقت الطلب بالفعل والصيت شايع

وعزوة بشابشتن لا جت حزت الجد
اسيوفهم تجعل.... الاعادي صرايع

وعزوة.... دعاجينن لهم فعلن وعد
يوم الحرايب والسنين..... الجلايع

اذوادنا...... قدام ذود العرب ترد
حامين رافه بالسيوف.... البرايع

كم شيخن انصبح ومن ديرته شد
وكم عاصين تحت امرنا صار طايع

من فعلنا.. يوم التقا الضد بالضد
الذيب وطيور.... الفيافي شبايع

ادخيلنا .......ينجا ولا تلمسه يد
وقصيرنا مايمسي... الليل جايع

تشهد لنا العتبان في طارفت نجد
يوم احتمينا....... ذودنا و القلايع

وتشهد لنا الحرث وشهران تشهد
وسمو البقوم اهل السهوم السرايع

يوم ان...... مزحم ردهم فاللقا رد
وخلا الرمح في ...خيلهم له وقايع

والعود.... ابا الحيات فعله موكد
حام الركايب في ....نهار الفزايع

وهندي .معه سيفن بريعن مهند
ايخلي اكباد ......الاعادي وجايع

وعمر نهار الحرب بالسيف الاجرد
قدام لاتات......... امهات الجرايع

والشيخ ...ابو شابه ماله فاللقا ند
للروح في حوض .....المنيات بايع

وكل.... القبايل نعم كلن وله عد
كلن خذا وزعته يوم ......الوزايع

هذا منول ......قبل حكم الموحد
يوم الحروب ويوم وقت .الطمايع

واليوم في ضل اللذي يحتم الحد
سمعن وطاعه ......ولملكنا نبايع

ناصر بن خربوش الغامدي