15 Dec 2008, 10:35 AM
|
|
المحبة عذاب
السلام عليكم ورحمة الله وبركاته
قصيده نضمتها قبل شوي على السريع
اتمنى ان تنال اعجابم
الهواجس تزاحم كلها في حشايه=والليالي مدارس والمشاكل كتاب
والمفارق عذاب وللبدايه نهايه=ماسمعتوا حداٍ قال المفارق عذاب
ليه يازين تقهرني وتفرح اعدايه=ليه تطعن حشايه يالغلا بالحراب
ليه جددت جرحي يالحبيب وبلايه=ليه ترحل وتاخذ معك كل الزهاب
تترك القلب ينزف دون حجه وغايه=تجرحه بالكلام وتعلن الانسحاب
يعني معقول حبك لي مجرد دعايه=اسمع الهرج كله ثم عطني جواب
ليش تخدع فوادي لجل تكشف خفايه=ماتعرف ان قلبي يالغضي مايهاب
كنت في حبكم يازين ضايع وتايه=لين ربي هداني يم درب الصواب
بتتركك واتناسى لحظتك والبدايه=وذكرياتك معي بحفر لها فالتراب
روح ربي وكيلك لاتتبع خطايه=لا تشوفك عيوني لو يطول الغياب
ابك انا من عشقني ثم زود غلايه=ارفعه بالمحبه لين حد السحاب
شاعر ومبدع وموهوب وايضاً معايه=عزةٍ جملتي مع عزاز الجناب
لاتطول العلوم ولا تطول الحكايه=روح مادام في وصلك وقربك عذاب
الغربي
توقيع : عيد الشدادي |
بيتي مشيد في قيا للمناعير=وانا على بابه وارحب واهلي..
افخر بمقدوم الوجيه المسافير=مادام قدري فالزمان امتعلي..
.
.
. . .
.
الفقد ..ماهو فقد من غاب يومين=الفقد والله فقد شخصٍ توفى
فارق وخلى من يحبه من سنين=ياموت هد شوي طالبك تكفى
.
.
عيد الشدادي
|
|