بدون مقدمات

العذر يالسلطان لا كنت غلطان=ولا صرت صاحب حق مالك عليه
يابن الرجال اللى لهم فالزمن شان =الحق حق ولا تزعل شكيه
لو نست من جور الزمن غدر خلان=ازيد فوق الجرح كيه وكيه
وانا نفل من روس شجعان شجعان=مابدلو فالوقت نيه بنيه
صافين في الخوه وصافين بيمان=لو جارت الدنيا ونفسن شقيه
اكسب وجيه رجال رابح وكسبان=ولانيب من يبحث خوافي خويه
ان جيتكم محشوم وان رحت طربان=اشفق على المسحوب والسامريه
والدله اللى زلها راس خرمان=في منتداكم كل عضون نقيه
لو عكرو صفوي من الربع غشمان=ادمح خطاهم لجل عين البقيه
لو حزت بنفسي عذاريب الاخوان=الله يحاسب كل نفسن رديه
البارحه ماغمض الطرف سهران=خوفي بني عمي تنقد عليه
هاجوس فكري ترجمه نضم قيفان=للي يبي يعرف ختام القضيه
الهرج زبده والهدف راس نيشان=يقوم حضي يالوجيه النديه

وبعدا ماحصل اعرفكم باسمي
(نفل بن عايض بن مشرع بن محيل الشدادي)

ولكم فائق الاحترام والتقدير اذا فيه مشككين بعد اليوم يكون لي تصرف ثاني
هههههههههههههههههههههه
وقد تكون غلطتي الوحيده ان اني لا اهتم بالرد على مواضيعي
بنفسي لاكن اوعدكم اي موضع ثاني راح اهتم فيه وفي ردوده
وتحياتي لكم



سامحوني واضن المقصد وصل