قافٍ هجدني نذيره تالي الليلا=‏والناس في نومها والنذر ما جتها
‏يا هيه يا قايد الريم المجافيلا=‏ما يدرك الرامي الا شوف عجتها
‏منتوقة العنق ضافية المجاديلا=‏واللي بقى طيبها من طيب عزوتها
‏ثبيتيةٍ تفتخر بعتيبة الهيلا=‏ولها الفخر والمعزة في قبيلتها
‏ذبّاحة الحيل وأهل البن والهيلا=‏لطّامة المعتدين اليا تبلتها
‏حنا هل السيف وأهل الجيش والخيلا=‏وجموع نجد العزيز النا قيادتها
‏عاداتنا فالقا شرب الفناجيلا=‏في ساعةٍ ترهب الشجعان وقعتها
‏في قلب نجد وقراه النا مداهيلا=‏في ساعةٍ ما حسبنا ويش حسبتها
‏من دون جرد الرقاب النا محاويلا=‏ليا منها غطة الارض بكرارتها
‏تامن بنا البل وترعى فالمساهيلا=‏وتمشي بنا في مشاهيها ورغبتها
‏حنا جنبها ليا راحت زعاجيلا=‏ليا منها ضيعت سهوة وليفتها
‏فرسانا دونها مثل الاساطيلا=‏تجفل شيوخ القبايل من وسيمتها