شبكة الشدادين - عرض مشاركة واحدة

الملف الشخصي للكاتب · توقيع : حطاب ليل

الاخوه الاعزاء في هذا المنتدى والقائمين عليه
اطرح أمامك هذه المحاورة بيني وبين الاخ الشاعر /حمود بن محماس النفيعي
راجيا ان تصل الى ذوقكم الرفيع

الحجريامحمد يجيب الضغط ويجيب الهموم
متى على الله يرجع الوضع الطبيعي ياولد

الناس .ماتبغا الحجر لاكن هاجمها السموم
غير نظام الناس . والتجوال . حتى فاالبلد

حمود محماس النفيعي

الاسئله   والاجوبه . بين المغادر   والقدوم
تواترت    واوضاعنا    تبغالها   صبر   وجلد

مجلاسنا في بيوتنا لوكان مانقضي اللزوم
اخير من لفه تجيب  الهم   وتجيب   النكد

محمد رزيق الحارثي

واللي دوامه يامحمد من ورى فرك الخشوم
وش حيلته . لا قالوا انته مانبا غيرك احد

الوضع محرج .والامر نافد .على .كل العموم
والمصلحه . ماتنقطع والحجر نسمعله . مدد

حمود محماس النفيعي

وسط الدفاع اليا بغانا وان بغانا في الهجوم
مادام به سترالله الضافي نبي نعطي الجهد

دون الحلوق ايدينها تفطر لو العالم تصوم
والرزق بيد الله يابومحماس وقف واستعد

محمد رزيق الحارثي

وش ينفع المسلم ليا حطوه من ضمن الرقوم
وقالوا لك ابعد وانت ماودك يقولون ابتعد

الواقعه . لا وقعت . .معاد .. تنفعك .. السهوم
لوتعتزي . وتقول ياقوم . الوعد حان الوعد

حمود محماس النفيعي

هذا الوطن يحتاج له قوم توقف دون قوم
والي   يجاهد في سبيل الله .مايندم ابد

واليا بلاك الله تصبر واحتسب واسجد وصوم
الي خلق نفسك   بياخذها وتصبح فااللحد

محمد رزيق الحارثي

ترا ولي الامر قال . ارتاح   يارجل امخدوم
وانته . تعرف .. الامر . لاجانا . لزومٍ .. يعتمد

والله ترا ماقال غامر .وانت جايتك العلوم
ل النفس حق وحقها معروف ياوجه السعد

حمود محماس النفيعي

الي يغامر دون واجب ما على شرواه لوم
ان مات ذكره حي والياعاش اسمنه صمد

بلاك من يهرف بما لا يعرفه في كل يوم
وتلقاه   في داخل شوارعنا يدوج ويجتلد

محمد رزيق الحارثي

اجل على الله شد حيلك والله امقو العزوم
الواحد الفرد . الصمد . ربٍ . ماغيره . ينعبد

والي يدور. مع الشوارع جعل حضه مايقوم
لاصار ماينفع . ولاهو . حاسب احسابٍ لحد

حمود محماس النفيعي

دون الوطن ياحمود قاداته ومن دونه قروم
تخلي الي ماتربى يستريح ويستعد

والله يكافينا الشرور الي على الدنيا تحوم
ويفكنا من هاالكرونا قبل ماهو يستبد

محمد رزيق الحارثي