سلام يا شداد وأحفاد شداد=سلام من قلبٍ صفا ما له حدود
اللابة إللي كنها بئر هجاد=عذبٍ تعدت شهرته كل مورود
مرسى الشجاعة ذكرهم من على عاد=وبيرق شرف في عالي الكون ممدود
منابرٍ للحق لا قام الأشهاد=ولطّامةٍ للخصم لا صار مقرود
تشهد لهم لافعال في ماضيٍ ساد=وإسمٍ عريقٍ شامخٍ كنه الطود
سلام مثل الغيث لا زاع وإنقاد=وتلألأ البرّاق والْحى له إرعود
وأرخى مزونٍ بالهماميل لباد=وعلّت على ديار الشدادين بالجود
وسلام يشمل من لهم عندي أبعاد=مثل النسيم وفاح فيه أزرق العود
من الصور لا ميسان و قيا وحداد=بلاد بلحارث هل الطيب والجود
حن نلتقي شداد في ساس الأجداد=والفرع ذا يأصل إلى الساس معدود
ولو تجاهلني كتيب وهرباد=والله ما بأحتاج عند أصلي شهود
أنا الحلافي والحلافات رواد=للفخر والناموس والمدح والفود
وحنا الجبال الراسية مثل الأوتاد=تشهد لنا الأفعال والذكر محمود
أهل الكرم للجار والضيف لا راد=ودون الخوي نرخص بالأرواح ونجود
ثلاثنا ذا من على عهد الأجداد=بيضٍ وحن للبيض سادات وسنود
واليوم في دينٍ ولله عباد=ولّت سنين الجهل يوم أقبل الذود
من حين رام المجد معشوق الأمجاد=ويا مكثر الأمجاد في سيرة العود
زار الرياض بتالي الليل هجاد=والفجر باج الليل عن خير مولود
وآمى بشلفاً خلّت الخصم ينباد=وزاح القهر والظلم عن كل مظهود
وصرنا نسافر بين صنعا وبغداد=بأمان من بأمره نصر حكم آل سعود
واليوم شعبٍ يجمعه دين وبلاد=وفي ظل من حبه في القلب مرصود
سبحان من قدّر على غير ميعاد=آكون ضيفٍ عندكم ياهل الجود
في مركبٍ ما فيه حاقد وحساد=الرفقة إللي للمعالي لهم رود
ذا منتداهم شاد به كل من راد=وذا للفخر و المدح سادات ووفود