لا نصيت طويق وجبال القدية=لا تفكر في نزولك قبل ترقا
ودنا بالطيب واليمنى ندية=بس مافيه اجتماع دون فرقا
للعرب عند العرب مليون ديه=وفالكرب مابه هرب غربا وشرقا
وكان ما نص الحروف الأبجدية=علم يشرى راحت الأبيات سرقا
لو بواجه جيش وأعواني يديه=ربي الله يحرق العدوان حرقا
دام متوكل على رب البرية=تندحر ترسانة ابو عيون زرقا
السفينه قش والواح ردية=والبحر في غبته شرقا وغرقا
والليالي تنقضي ماهي مدية=وإن بدالك صبح لك بالليل ملقا
كم يمر من السنين السرمدية=ما بقى اللي قبلنا يا كيف نبقا
الهديه لو على قدر الهدية=النتيجه مثل ما يعطيك يلقا
بصركم والسلطنه ماهي قضيه=والعضيد المنتخب روق وبرقا
والمواقف والعطا خذ ذي بذية=ومثل ما تعطي لغيرك دوم تلقا
وكان ما تدرون عن جور الأذيه=كم نفوس من كؤوس الجور تسقا
عشرة اعوام وتواليها بقيه=انتخي واعواني اضدادي وانا ارقا
مجتهد بالخير والنيه مطيه=وامة الاسلام دون الغير تشقا
والبشاير فوق ما ترجون زيه=والثريا عن ثرى الخذلان فرقا
والمنى والفال للأمه عطيه=رفع ظلم وعهد خير ونوح ورقا