يالثنين اللي تهدون البيوت اللي تبنى=جاكم الموت ..ولفاكم منكر وجاكم نكير
الشعر ماهوب حرب ..وعزته ماتنتدنى=بس معكم ينقلب وضعه وهو حاله عزير
ليه تهجون الاوادم ..بالبيوت اللي لفنى=ليه كلٍ رافعٍ خشمه وهو ماهو بصير
جاكم الغربي يهلهل فالقوافي وإيتغنى=ويهجيكم كلكم لين ان واحدكم يطير
ياهديل ارقي ..وخلي عنك شيٍ مايكنى=لاتحطيني بجانب واحدٍ توه صغير
يارعد لاينحرق قلبك وهوجاسك يحنى=كب عنك النقز والتحفير في شيٍ يصير
ياثنين اخذو كلامي جعل هاجسكم يعنى=ليه للتشويه صار يجركم سلك الحرير
لعنبوا شيطانكم ..ماحدٍ قعد يوم وتهنى=كل يوم تقلبون افكاركم مثل الغرير
مر يبكي مر يضحك مر يلعب ثم يونى=طيعوا اشواري وخلوا سيفنا وسط الجفير
لان دام السيف لوقات الوغى جاهز ..محنى=لاتحدونا بهرجتكم على الشر الشرير