الا يالله طلبتك ياكريم وياعظيــم الـــشــــــــا ن = طلبتك ياكرم الوجه روحــــي لا تعذبهـــــــا
هلا بصقر العروبة ابومتعب فارس الفرســــــان = هل الطائف ترحب فيك حاضرها وغايبــــها
نرحب من قلوب صادقة ترحيــبة الصفطــــــان = فعولك تفرح الصدقان والعدوان تغضبــــها
صدر أمرك باطلاق الضعوف اللي ورى القضبان = وطلعوا من السجون احرار ما واحد يطالبــها
ونزل قيمة البنزيــن والديـــزل باقـــل اثمــــــان = وكل موظفــين الــدولة مزود رواتبــهــــــا
وأمر للمعسرين بيوت تبنــى وزود الضمــــان = عم الخير شــبـــان البــلاد وعــم شايــبـــــها
هلا بملوكنا أهل الخير هلا بملوكنا الشجعـــان = هل السيف الصقيل اللي محد روح بصايبهــــا
لهم منا الولاء والعهد شايــبنا مـــع الشبــان = نصاحب من يصاحبها ونحرب من يحاربهـــــا
يحكمون الشريعه في البلاد بمنهـــج القـران = عسى ربي يثبتهـــا وعيـــن الله تراقبــــــــــها
ترى طاعة ولي الامر توفيقٍ من الرحمـــان = وحنا يا بني الحارث نعاهد ما نخــون بهـــــــا
ما دام انا بخيرٍ عايشين ونعمةٍ وامـــــــان = ورجال الامـــن بعد الله قايمـــةٍ بواجبـــــــها
ينام الرجل في بيته وهو ما قفــل البيبــــــــان = ولو سافر وجاه النوم في صحراء ينام بهـــــا
وحنا ننكر الارهـــاب واللي يتبعـــه ينهـــــان = هل التكفير والارهاب ننكــرها ونشجبـــــــها
بني الحارث رجالٍ ما لهم بصمة مع الغلطان = هل التكفير والارهاب تخسى ما نصاحبهـــــــــا
بأية حـــق يوم إنه يقـــوم ويقـــتل الانســـان = ويفجر نفسه الاقشــر وبالنـــيران يلهبـــــــــها
وشنهو ذنب طفله غافله تقتل مثل وجـــــدان = وهي لو شافته تحسبه واحد من قرايبهـــــــا
وشنهو ذنب رجل الامن يوم يقابلك باحسـان = تقوم وتقتله وتيـتم أطفالــــــه وترهبـــــــــــها
وتصبح مختفي ومشردٍ ومخاوي الشيطـــان = ومصيرك في يدين الامن ودموعك تهل بها
وتفجر في نفسك ثم تصبح تشتعــل نيــــران = وقاتل نفسه في النيران في النيران طـاح بهـا
وتكفر في علمانا يا الخسيس وتخدم العـدوان = تبي تغلب هل القران والله ما انــت غالبـــها
ولا تسمع قناة المفسد اللي كلها كذبــــــان = وكل اللي معــــه حثالـــةٍ محـــــــدٍ يحسبـــها
يقول اصلاح وهو والله انه كاذبٍ خــــوان = هو والمسعري خدام للغــــرب ومصايبــــها
ابوصي كل ابٍ والكلام الزين له ميــــــزان = تشوف مصاحبين ابنك وتعرف وش مآربهــا؟
وصلى الله علي سيد البرية من نسل عدنان = عدد خط الصحف واعداد قاريهـــا وكاتبهــــا