حياالله الشعر والسادات لاغنو=والله يحيي نفل واللي يحبونه
سلام ياللي على ماصابهم كنو=لو كان غابوا سنة لابد يردونه
والشعر كنزٍ لنا لوحولنا شنو=حرب السخافات ... واهل الحقد يسنونه
هم يحسبون الذي سووه او ضنو=يحرك الشامخ الطحطوح وركونه
لكن والله ماحطو ولا عنو=انجاس هالعالم اللي ضاهرٍ دونه
فارقتهم ما رضيت اللي لنا سنو=ودينن مهو دينا وشلون ترضونه
واقول مهما حصل ياهيه لي دنو=رقابكم لني اكبر والحما دونه
اهل الفخامه على ساس الفخر بنو=بيوت الامجاد و الاذكار مصيونه
بس انسوا اللي بديته فالذي زنو=ثم اسمعوا مايحرك قلب مجنونه
بكتب جديدي غزل وهل الهوى حنو=وانا بعد من غيابي فاقدنا نونه
وفطوم ياقلبها.. ولانسى بعد رنو= احبهم بس حب الثانيه بونه
فارق عن الغير لوكان انه و(انو)*=عذب خفوق الزعيم وخيب اظنونه
بكتب لها ياجميلة اسألوا (عنو)*=حب برا الحال واناصرت مرهونه
ابيه يفهم ترى هواجسي جنو=و عليه شكواي والامال يبغونه
تكفون يهل الفعول اللي لنا قنو=قنون فزعة هل الطالات تدرونه
خلي مثل باقي الخفرات لافنو=البين ويا الجفا للي يودونه
بالله روحوا على مرقابها ثنو=قول نفل كل ماتطرين فعيونه
يبين ظلمك ويخسر (جنيه و ينو)*=وقولو لها القلب والافكار يبكونه
وحساده اللي على زير الفرح دنو=لايفرحون ابهدام الحب وسكونه