المشاركة الأصلية بواسطة : الغريق الشدادي اقتباس
	ضيف مميز بكل تأكيد و مقدمة للقاء أيضاً متميزه بحظورها

الله يطوّل عمرك ي عمّممي
انت المتميّز بحظورك وكرمك

		المشاركة الأصلية بواسطة : اقتباس
	س1 أول قصيدة مدح في من ومتى وأيضاً نريد منها أبيات

		المشاركة الأصلية بواسطة : اقتباس
	س2 قرأت أبيات في توقيعك في أبو مشهور رحمه الله فهل هي لك ؟ إن كانت لك نريد القصيده كامله

ماشاء الله تبارك الله احسدك على هالذاكره ^^
انا اتذكر اني حطيت صوره قديمه لأبومشهور الله يرحمه وتحتها بيتين
طبعا كانت قصيده وليدة اللحظه والصوره كانت معبّره تجبر اي شاعر على الكتابه
لكن مادوّنتها ومر عليها وقت كثير وانا رجال ٍ انسى عشاي امس

بس فيه قصيده ثانيه كانت مدح في ابو مشهور الله يرحمه وفي مجلسه وعياله :

والــنـار مـشـبــوبـه عـلــيــهـا مـعــامــيـل
والــعــلـم صــادق مــابــه ايّــات زلّـــه
صــفــة دلال(ن) مــاقــنـوهـا مــهـابــيــل
مــن نـسـل حــر(ن) مــارضـى بـالـمـذلّـه
امـحـصـل(ن) مـجـد الـطـحـاطـيـح تـحـصـيـل
وكــاســب الامــجــاد والـطــيـــب كـــلّـه
يـرحـمك ربـي والـخـسايــر مـحـاصــيل
خــلّــيت ربــعـك .. والــبــقاء دام لــلّـه
جـعـل الـغـيـوم الـلـي لها عـيـنـي تـخـيــل
تـمـطـر عـلى قـبــر الـسـبـع وتـغـفـرلّـه

وهنا تحصّلها كامله :
http://shdadeen2.com/poem/poem234.html

		المشاركة الأصلية بواسطة : اقتباس
	س3 من من شعراء المنتدى نال إعجاب فآرس الضويان؟

والله بدون استثناء جميع شعراء بحور القوافي مبدعين
ولاهو قصور ٍ في أحد لكن الله العالم اني ماتوقّعت ان فيه شعراء
بموقع الشدادين بهالقوه وهالجزاله ، وحتى لو دار الكلام
مع ناس من الجماعه عن منتدى الشدادين على طول
اول موضوع على لساني مدح لشعّاره وهذي شهادة الحق
والحق ينقال انا لو مدحتهم ماني بكاسب من المدح شي
لكن فعلا يستحقّون المدح جميعهم دون استثناء